આપણે સૌએ હેલ્થ, એક્સિડન્ટ કે ટર્મ ઈન્સ્યોરન્સ વિશે તો સાંભળ્યું જ છે વધારામાં સેલિબ્રિટીઝના અંગોના વીમા વિશે પણ વાતો જાણી હશે જેમકે મેરેડોનાના પગના અંગુઠાનો વિમો પરંતુ એક ટ્વિટર યુઝરે પ્રેમમાં હાર્ટબ્રેક માટે વીમા રકમ તરીકે 25 હજાર રૂપિયા મળ્યા હોવાનો દાવો કર્યો છે. પ્રતિક નામના ટ્વિટર યુઝરનો દાવો છે કે, મારી ગર્લફ્રેન્ડે મારી સાથે બેવફાઈ કરી છે અને તેના બદલામાં મને 25 હજાર રૂપિયા મળ્યા છે. પ્રતિક આર્યને કહ્યું કે જ્યારે અમે રિલેશનશિપમાં પ્રવેશ્યા ત્યારે સંયુક્ત ફંડ બનાવવામાં આવ્યું હતું અને તેમાંથી જ આ રકમ મળી હતી. પ્રતિક આર્યને લખ્યું, મારી ગર્લફ્રેન્ડે મારી સાથે બેવફાઈ કરી હોવાથી મને 25 હજાર રૂપિયા મળ્યા છે. અમારો સંબંધ શરૂ થયો ત્યારે અમે બંને સંયુક્ત ખાતામાં 500 રૂપિયા જમા કરાવતા હતા. ત્યારે અમે નક્કી કર્યું હતું કે, જે કોઈ છેતરપિંડી કરશે તેના પૈસા ડૂબી જશે અને જે સંબંધમાં વફાદાર રહેશે તેને આ પૈસા મળશે.
આ રકમને પ્રતિક આર્યને હાર્ટબ્રેક ઈન્સ્યોરન્સ ફંડ ગણાવી છે. બીજી પોસ્ટમાં પ્રતિક આર્યનએ ઉલ્લેખ કર્યો છે કે હાર્ટબ્રેક ઈન્સ્યોરન્સ ફંડમાં રોકાણ કરવું એ પણ બજારનું જોખમ છે. આ સિવાય તેમાં રિલેશનશિપ લોયલ્ટી રિસ્ક પણ સામેલ છે. એટલા માટે આપણે પ્રેમ સંબંધિત પ્રતિબદ્ધતા અત્યંત કાળજીપૂર્વક કરવી જોઈએ. પ્રતિક આર્યને એવું પણ લખ્યું છે કે શા માટે મહિલાઓ એવું વિચારે છે કે તેમને સંબંધમાં હાર્ટબ્રેક ઈન્સ્યોરન્સ ફંડનો લાભ મળે છે. વફાદાર લોકોને જ આ પોલિસી મળવી જોઈએ.
આ પોસ્ટ લોકોને ગમી રહી છે. તેના અલગ-અલગ પ્રકારની કોમેન્ટ પણ કરી રહ્યા છે. પ્રતિકની પોસ્ટ પર એક યુઝરે કોમેન્ટ કરી, ‘આટલા પૈસાનું શું કરશો?’ આના જવાબમાં પ્રતિકે કહ્યું કે, હું બીજા સંબંધમાં રોકાણ કરવાનું વિચારી રહ્યો છું. તે જ સમયે, એક યુઝરે એ પણ સલાહ આપી કે તમે વીમા હેઠળ નક્કી કરેલી 500-500 રૂપિયાની રકમ ઘણી ઓછી છે. આ કિસ્સામાં, કોઈપણ છેતરપિંડી કરશે અને સંબંધો ખોઈને એ દૂર થઈ જશે જેની કિંમત જીવનભર ભરપાઇ ન પણ થઈ શકે કેમકે સંબંધો અણમોલ છે. તેના પર પ્રતીક આર્યનએ કહ્યું કે આ પૈસા અમે ખીસ્સાખર્ચીમાંથી એકઠા કર્યા છે. હવે પછી હું એક લાખનો વીમો ઉતરાવીશ.