ગંગરાર પોલીસ સ્ટેશન વિસ્તારના ભીલવાડા રોડ પર અજોલિયા કા ખેડા પાસે માર્ગ અકસ્માત સર્જાયો છે. સુરતથી જતી ટ્રાવેલ્સની બસ પલટી ગઈ હતી. આ અકસ્માતમાં દોઢ ડઝન મુસાફરોને ઈજા થઈ હોવાની પ્રાથમિક વિગતો મળી રહી છે.
પ્રાપ્ત વિગતો અનુસાર, અગાઉ, સુરતથી ભીલવાડા આવતી બસને ટ્રાફિક પોલીસે ચિત્તોડગઢમાં કલેક્ટર ચોકડી પર દસ્તાવેજોના અભાવે જપ્ત કરી હતી. બસમાં સવાર એક મુસાફરે ગુજરાત બ્રેકિંગને આપેલી ટેલિફોનિક વિગતો અનુસાર, પોલીસ કાર્યવાહીને પગલે એ બસમાં સવાર તમામ મુસાફરોને અન્ય બસમાં ખસેડવામાં આવ્યા હતા. આ જ બસ અજોલિયા ખેડા પાસે કાબુ બહાર જઈને પલટી ગઈ હતી. પોલીસ ઘટનાસ્થળે હાજર લોકોની મદદથી ઘાયલોને જિલ્લા હોસ્પિટલમાં લઈ ગઈ છે જ્યારે કેટલાક ગંભીર ઈજાગ્રસ્ત લોકોને ગંગર અને ભીલવાડા પણ લઈ જવામાં આવ્યા હોવાનું જાણવા મળ્યું છે.
ADVERTISEMENT
