એરોસ્પેસ એન્જિનિયર હર્ષવર્ધન સિંહ 2024 યુએસ પ્રમુખપદની રેસમાં જોડાયા છે. દક્ષિણ કેરોલિનાના ભૂતપૂર્વ ગવર્નર નિક્કી હેલી અને ઉદ્યોગપતિ વિવેક રામાસ્વામી પછી રેસમાં જોડાનાર તેઓ ત્રીજા ભારતીય-અમેરિકન બન્યા છે. એક વિડિયો સંદેશમાં, 38 વર્ષીય હર્ષવર્ધન સિંહે પોતાને રિપબ્લિકન ગણાવ્યા હતા. તેમણે 2017માં ન્યૂ જર્સીમાં રિપબ્લિકન પાર્ટીની રૂઢિચુસ્ત વિંગને પુનઃસ્થાપિત કરવામાં મદદ કરી હતી.
તેઓ 2020 માં યુએસ સેનેટની દોડમાં નિષ્ફળ રહ્યા હતા અને તેઓ આ ચોથી વખત પ્રયાસ કરી રહ્યા છે. સિંઘનું કહેવું છે કે, અમેરિકનોને બિગ ટેક અને બિગ ફાર્મા બંને તરફથી ગંભીર ખતરો છે. વધુમાં, અમેરિકન કૌટુંબિક મૂલ્યો, માતા-પિતાના અધિકારો અને ખુલ્લી ચર્ચાઓ ચોતરફી આક્રમણ થઈ રહ્યું છે. તેમણે વિડિયો સંદેશમાં કહ્યું, “બિગ ફાર્મા દરેકને રસી લેવા દબાણ કરે છે અને સરકાર સાથે કામ કરીને મોટો નફો કમાય છે, જ્યારે બિગ ટેક બિગ બ્રધર બની ગયું છે, જે અમારી ગોપનીયતા પર આક્રમણ કરે છે અને અમારા રાજકીય વિચારોને વિકૃત કરતી સેન્સરશિપમાં વ્યસ્ત છે. “
” અમેરિકન મૂલ્યોને પુનઃસ્થાપિત કરવા માટે આપણને મજબૂત નેતૃત્વની જરૂર છે. તેથી જ મેં 2024ની ચૂંટણી માટે રિપબ્લિકન નામાંકન ભરવાનું નક્કી કર્યું છે,” તેમણે કહ્યું. ડોનાલ્ડ ટ્રમ્પની પ્રશંસા કરતા સિંહે કહ્યું કે “અમેરિકાને તેમના જેવા વધુ લોકોની જરૂર છે.” પોતાને “રાષ્ટ્રપતિ માટેના એકમાત્ર યોગ્ય ઉમેદવાર” તરીકે વર્ણવતા, સિંહે કહ્યું કે, “આ સમય વીતેલા યુગના જૂના રાજકારણીઓથી આગળ વધવાનો છે,” કારણ કે તેમણે ક્યારેય કોવિડ રસીકરણ કરાવ્યું નથી.
સિંહ આ નિર્ણયથી ટ્રમ્પ, ન્યૂ જર્સીના ભૂતપૂર્વ ગવર્નર ક્રિસ ક્રિસ્ટી, ફ્લોરિડાના ગવર્નર રોન ડીસેન્ટિસ, ભૂતપૂર્વ વાઇસ પ્રેસિડેન્ટ માઇક પેન્સ, રામાસ્વામી, હેલી, સેનેટર ટિમ સ્કોટ અને ઉદ્યોગપતિઓ અને પાદરી રાયન બિંકલી સહિત રાષ્ટ્રપતિ પદ માટે સ્પર્ધા કરી રહેલા રિપબ્લિકન ઉમેદવારોની લાંબી યાદીમાં જોડાઈ ગયા છે. તાજેતરના મોર્નિંગ કન્સલ્ટ પોલ મુજબ, 59 ટકા મતદારો ટ્રમ્પને, 16 ટકા ડીસેન્ટિસને, 8 ટકા રામાસ્વામીને, 6 ટકા પેન્સને અને 2 ટકા સ્કોટને સમર્થન આપે છે.
ભારતીય ઇમિગ્રન્ટ માતાપિતામાં જન્મેલા સિહે 2009માં ન્યૂ જર્સી ઇન્સ્ટિટ્યૂટ ઑફ ટેક્નોલોજીમાંથી એન્જિનિયરિંગમાં સ્નાતકની ડિગ્રી મેળવી હતી. 2017 માં રાજ્યપાલ પદના ઉમેદવાર તરીકે ન્યુ જર્સીના રાજકારણમાં પ્રવેશતા, સિંહ રેસમાં ત્રીજા સ્થાને રહ્યા, માત્ર 9.8 ટકા વોટ શેર મેળવ્યા. તેમને 2003માં અમેરિકન ઇન્સ્ટિટ્યૂટ ઑફ એરોનોટિક્સ એન્ડ એસ્ટ્રોનોટિક્સ દ્વારા એવિએશન એમ્બેસેડરનો એવોર્ડ આપવામાં આવ્યો હતો.