સમયાંતરે બદલાતા ગ્રહોની સ્થિતિ તમામ લોકોના જીવન પર ઘેરી અસર કરે છે. વર્ષના અંતિમ મહિનામાં એટલે કે ડિસેમ્બરમાં આ ગ્રહોના રાશિ પરિવર્તનની અસર દરેક વ્યક્તિ પર પડશે. જ્યોતિષ અનુસાર, સૂર્ય, બુધ, શુક્ર ઉપરાંત મંગળ અને ગુરુ ગ્રહોની ચાલમાં ફેરફાર થવાનો છે. ગુરુ રાશિ પરિવર્તન કર્યા વગર જ વક્રીમાંથી માર્ગી ચાલ શરૂ કરશે તો શનિ તેમજ રાહુ-કેતુ સિવાયના અન્ય તમામ ગ્રહો પોતાની રાશિ આ મહિનામાં બદલવા જઈ રહ્યા છે.
ડિસેમ્બરમાં ગ્રહોનું રાશિ પરિવર્તન
બુધ વક્રી- મહિનાનું પ્રથમ રાશિ પરિવર્તન બુધના રૂપમાં થશે. 14મી ડિસેમ્બરે બુધ વક્રી થઈ જશે. હાલમાં બુધ ધન રાશિમાં છે. બપોરે 1.50 કલાકે એટલે કે 14મી ડિસેમ્બરે બુધ ધન રાશિમાં વક્રી રહેશે.ત્યારબાદ, 14 દિવસ સુધી વક્રી રહ્યા બાદ એ 28 ડિસેમ્બરે તે જ રાશિમાં પાછળ થઈને વૃશ્ચિક રાશિમાં જશે ત્યારબાદ 2 જાન્યુઆરીએ સાંજે 7:37 વાગ્યે, તેઓ ફરી એકવાર માર્ગી થશે. જેઓ વૃશ્ચિક રાશિમાં જ આગળ વધશે.
સૂર્ય – બીજું રાશિ પરિવર્તન ડિસેમ્બરમાં સૂર્યના રૂપમાં થશે. જ્યાં 16મી ડિસેમ્બરની મોડી રાત્રે એટલે કે 17મી ડિસેમ્બરની સવારે સૂર્ય વૃશ્ચિક રાશિમાંથી ધન રાશિમાં પ્રવેશ કરશે. ધનારક એ કમુરતાંનો સમય છે જ્યાંથી શુભ કાર્યોને ફરી એકવખત બ્રેક લાગશે.
મંગળ- ત્યારબાદ મંગળ 28મી ડિસેમ્બરે પોતાની રાશિ બદલશે. મંગળ હાલ વૃશ્ચિક રાશિમાં છે, 28 ડિસેમ્બરની રાત્રે 00:16 વાગ્યે ધન રાશિમાં પ્રવેશ કરશે. જે લગભગ 37 દિવસ સુધી આ સ્થિતિમાં રહેશે. આ પછી, તેઓ મકર રાશિમાં જશે. ગ્રહોનો અધિપતિ મંગળ જ્યારે ધન રાશિમાં પ્રવેશ કરશે, જ્યાં તે સૂર્ય ભગવાનને મળશે, જેના કારણે સૂર્ય અને મંગળની એક રાશિમાં હાજરીથી આદિત્ય મંગલ યોગ બનશે.
ગુરુ – 31મી ડિસેમ્બરે સાંજે 6:46 વાગ્યાથી દેવ ગુરુ ગુરુ મેષ રાશિમાં માર્ગી પ્રયાણ શરૂ કરશે. ચાર મહિના પછી એટલે કે 1લી મેના રોજ ફરી એકવાર તેની રાશિ બદલશે. ગુરુ ગ્રહ 1 મેએ સાંજે 5:30 કલાકે વૃષભ રાશિમાં પ્રવેશ કરશે.
શુક્ર- સુખ અને સમૃદ્ધિનો કારક શુક્ર પણ ડિસેમ્બરમાં પોતાની રાશિ બદલશે. શુક્ર, જે હાલમાં તુલા રાશિમાં છે, તે 25મી ડિસેમ્બર એટલે કે નાતાલના દિવસે સવારે 9:01 વાગ્યે વૃશ્ચિક રાશિમાં જશે. આ પછી તે 14 જાન્યુઆરીએ રાત્રે 10.15 કલાકે ધન રાશિમાં પ્રવેશ કરશે.