આંધ્રપ્રદેશના વિજિયાનગરમમાં કોલેજીયન યુવતીની આત્મહત્યાનો મામલો સામે આવ્યો છે. રાજીવ ગાંધી યુનિવર્સિટી ઓફ નોલેજ ટેક્નોલોજીસ (IIIT-શ્રીકાકુલમ)માં અભ્યાસ કરતી વિદ્યાર્થિનીએ હોસ્ટેલમાં આત્મહત્યા કરી હતી. કોલેજ સત્તાવાળાઓને ઘટનાની જાણ ત્યારે થઈ જ્યારે કેટલીક છોકરીઓએ જોયું કે 16 વર્ષીય વિદ્યાર્થિનીનો રૂમ અંદરથી બંધ હતો. દરવાજો તોડતાં અધિકારીઓને તે પંખાથી લટકતી જોવા મળી હતી.
read more: SC એ ટ્રિબ્યુનલમાં ખાલી જગ્યાઓ માટે કેન્દ્રને ઠપકો આપ્યો, કહ્યું – હળવાશથી ન લો
તેના માતા-પિતાએ તેની ઈચ્છા વિરુદ્ધ તેને ઓફલાઈન ક્લાસ લેવા દબાણ કર્યું હતું. યુવતીની ઓળખ કોંડાપલ્લી મનીષા અંજુ તરીકે થઈ છે, જે વિજિયાનગરમના નેલ્લીમારલાની રહેવાસી છે. તે IIT-શ્રીકાકુલમની પ્રથમ વર્ષની વિદ્યાર્થિની હતી.
યુવતી માત્ર ઓનલાઈન ક્લાસમાં જ ભાગ લેવા માંગતી હતી, પરંતુ તેના માતા-પિતાએ આગ્રહ કર્યો કે તે ઓફલાઇન વર્ગોમાં હાજરી આપે અને તેને IIIT-શ્રીકાકુલમમાં મોકલવામાં આવે. માતા-પિતાથી નારાજ યુવતીએ પોતાનો મોબાઈલ ફોન બસમાં ફેંકી દીધો હતો. તેના માતાપિતાએ બીજા દિવસે તેને નવો ફોન ખરીદ્યો. કેટલીક વિદ્યાર્થિનીઓએ જોયું કે તેનો રૂમ અંદરથી બંધ હતો અને તેમણે કોલેજ પ્રશાસનને જાણ કરી. ઈશેરલા પોલીસે વધુ તપાસ શરૂ કરી છે.
