બનાસકાંઠામાં પરવાનગી વગર રોડ પર નમાઝ પઢવા બદલ ટ્રક ચાલકની ધરપકડ કરવામાં આવી છે. પાલનપુર પોલીસ અધિકારીએ જણાવ્યું હતું કે સોશિયલ મીડિયા પર એક વીડિયો સામે આવ્યા બાદ બચ્છલ ખાન (37) વિરુદ્ધ કેસ નોંધવામાં આવ્યો હતો. અધિકારીએ જણાવ્યું હતું કે વીડિયોમાં તે પાલનપુર શહેર નજીક એક વ્યસ્ત રોડ પર પાર્ક કરેલી તેની ટ્રકની સામે નમાઝ અદા કરી રહ્યો હતો.તે દરમિયાન કોઈએ એક વીડિયો શૂટ કર્યો જે સોશિયલ મીડિયા પર વાયરલ થયો, જેના પગલે પોલીસે કાર્યવાહી કરી છે.
ગંભીર કલમો હેઠળ કેસ નોંધાયો
પોલીસ અધિકારીએ માહિતી આપી હતી કે ખાન વિરુદ્ધ કલમ 283 (જાહેર માર્ગમાં ખતરો), 186 (લોકસેવકને તેની ફરજ નિભાવવામાં અવરોધ) અને 188 (જાહેર સેવક દ્વારા યોગ્ય રીતે જાહેર કરવામાં આવેલા આદેશનું અનાદર) હેઠળ કેસ નોંધવામાં આવ્યો છે. ભારતીય દંડ સંહિતા (IPC) એક FIR નોંધવામાં આવી હતી અને શનિવારે આરોપીની ધરપકડ કરવામાં આવી હતી.
ચાર રસ્તા પર ટ્રક પાર્ક કરવાને કારણે ભારે ટ્રાફિક જામ સર્જાયો હતો
ટ્રક પાલનપુર શહેરના એક એવા રસ્તા પર પાર્ક કરી હતી જ્યાં અવારનવાર ભારે ટ્રાફિક રહે છે અને નમાઝ અદા કરવા માટે ટ્રકની આગળ બેસી ગયો હતો.જેના કારણે આટલા વ્યસ્ત ચારરસ્તા પર લાંબો સમય ટ્રાફિક જામ સર્જાયો હતો. કેટલાક લોકોએ વીડિયો બનાવીને વાયરલ કર્યો હતો.જેને જોઈ લોકોએ ભારે રોષ વ્યક્ત કર્યો હતો.
