બે ભારતીય નાગરિકો પર ન્યુ જર્સી સ્થિત વચેટિયાની મદદથી ફેન્ટાનાઇલના વિતરણ અને લોન્ડરિંગ ડ્રગની આવકમાં તેમની ભૂમિકા માટે આરોપ મૂકવામાં આવ્યો છે. તેઓ એક વચેટિયાની મદદથી આ કામ પાર પાડતા હતા. આરોપીઓએ સધર્ન ઇલિનોઇસની ડિસ્ટ્રિક્ટ કોર્ટમાં પોતાનો ગુનો કબૂલી લીધો છે. સનાબ્રિયાને ફેન્ટાનાઇલ અને મની લોન્ડરિંગના ષડયંત્ર માટે દોષિત ઠેરવવામાં આવ્યા છે. જેમાં ભારતીય નાગરિક આશિષ કે. જૈન (37) અને એમ. ઇશ્વર રાવ (40)નો સમાવેશ થાાય છે.. જૈન પર નિયંત્રિત પદાર્થના વિતરણનો પણ આરોપ છે.
કોર્ટના દસ્તાવેજો અનુસાર, સનાબ્રિયાને ન્યુ જર્સીમાં ફ્યુરાનાઇલ ફેન્ટાનાઇલ અને ટેપેન્ટાડોલ ધરાવતી ગોળીઓ ભારતમાં ફાર્માસ્યુટિકલ દવા વિતરણ કેન્દ્રમાંથી મળી હતી અને ત્યારબાદ જાન્યુઆરી 2018 અને માર્ચ 2021 વચ્ચે સીધા જ યુએસ ગ્રાહકોને ઓર્ડર મોકલવામાં આવ્યા હતા. ઘણા પ્રસંગોએ સનાબ્રિયાએ સધર્ન ડિસ્ટ્રિક્ટ ઑફ ઇલિનોઇસમાં કાર્યરત ડ્રગ એન્ફોર્સમેન્ટ એડમિનિસ્ટ્રેશન (DEA) માટે ગુપ્ત એજન્ટોને ઓર્ડર આપ્યા હતા.
સનાબ્રિયાએ ડ્રગની આવક માટે અમેરિકા અને ભારત વચ્ચે ચલણની આપ-લે કરવા માટે ન્યૂયોર્કમાં એક કંપની સ્થાપી. તેણે જાન્યુઆરીથી ઓક્ટોબર 2021 સુધીમાં $114,334ની કમાણી કરી હતી, જે છુપાવવામાં આવી હતી. સધર્ન ઇલિનોઇસમાં DEA અમલીકરણ કામગીરીના મુખ્ય કાર્યકારી સહાયક સ્પેશિયલ એજન્ટ ઇન ચાર્જ માઇકલ ઇ. રેહગે જણાવ્યું હતું કે, “આ માણસ લોકોને એવું વિચારીને મૂર્ખ બનાવી રહ્યો છે કે ફાર્માસ્યુટિકલ દવાઓ પ્રિસ્ક્રિપ્શન વિના ખરીદી શકાય છે અને ભારતમાંથી મેઇલ કરી શકાય છે.”
રિહાગે જણાવ્યું હતું કે, “તેના ગેરકાયદેસર રીતે મેળવેલા લાભને ભારત પરત મોકલવું એ આ આંતરરાષ્ટ્રીય ગુનાહિત સંગઠનો અમેરિકનો પાસેથી ગેરકાયદેસર રીતે કેવી રીતે નફો કરે છે તેનું બીજું ઉદાહરણ છે.” પ્રતિવાદીઓને મની લોન્ડરિંગ કરવાના ષડયંત્ર, ફેન્ટાનાઇલનું વિતરણ અને નિયંત્રિત પદાર્થના વિતરણ માટે 20 વર્ષ સુધીની જેલની સજા થઈ શકે છે.
