વડાપ્રધાન નરેન્દ્ર મોદી રવિવારે તેમનો 73મો જન્મદિવસ ઉજવી રહ્યા છે. દેશ અને દુનિયામાંથી દરેક વ્યક્તિ પોતના અંદાજમાં દેશના વડાપ્રધાન મોદીને જન્મદિવસની શુભેચ્છા પાઠવી રહ્યા છે. પીએમ મોદીને અભિનંદન આપવામાં બોલિવૂડ પણ પાછળ નથી રહ્યું. બોલિવૂડના કિંગ શાહરૂખ ખાને પણ પીએમ મોદીને તેમના 73માં જન્મદિવસની શુભેચ્છા પાઠવી પરંતુ કિંગ ખાનની સ્ટાઈલ અલગ જ રહી. અભિનેતાએ પીએમ મોદીને પણ પૂછ્યું કે શું તેઓ કામમાંથી થોડો સમય કાઢી શકે છે. યાદ હશે કે થોડા સમય અગાઉ કિંગ ખાને PM મોદીને G20 ના સફળ આયોજન બદલ અભિનંદન પાઠવ્યા હતા.
શાહરૂખ ખાને પોતાના ઓફિશિયલ એકાઉન્ટ X પર લખ્યું, પીએમ મોદીને જન્મદિવસની શુભેચ્છા. તમારો દિવસ સ્વસ્થ અને સુખી રહે. અભિનેતાએ આગળ લખ્યું, ‘શું તમે કામમાંથી થોડો સમય કાઢીને થોડો આનંદ પણ મેળવી શકો તેવી શુભેચ્છા.” અહીં એ ઉલ્લેખ કરવો ઘટે છે કે તાજેતરમાં એક આરટીઆઈમાં ખુલાસો થયો કે પીએમ મોદીએ 2014માં સત્તામાં આવ્યા બાદ એક દિવસની રજા લીધી નથી. એટલે કે તેઓ સતત 9 વર્ષથી કામ કરી રહ્યા છે.
