આજકાલ આપણી પાસે ખાવા માટે અગણિત વસ્તુઓ છે. જેમાં ખાવાની ચીજ-વસ્તુઓ પર અવનવા પ્રયોગ કરવામાં આવતા હોઈ છે.પરંતુ કેટલાક લોકો આ પ્રયોગોને અલગ સ્તર પર લઈ ગયા છે અને ખાદ્ય વસ્તુઓને બરબાદ કરી રહ્યા છે. તમે સોશિયલ મીડિયા પર આના ઘણા ઉદાહરણો જોયા હશે. કેટલાક માછલીથી ચા બનાવી રહ્યા છે તો કેટલાક બિસ્કિટથી મીઠાઈ બનાવી રહ્યા છે. આ લોકોના વીડિયો જોયા પછી લોકો ગુસ્સે થઈ જાય છે અને સોશિયલ મીડિયા પર તેમની ટીકા પણ કરે છે. આવો જ એક વીડિયો ફરીથી સોશિયલ મીડિયા પર વાયરલ થયો છે.
શું તમે ક્યારેય મેગી આઈસ્ક્રીમ જોયો છે?
સોશિયલ મીડિયા પર વાયરલ થઈ રહેલા વીડિયોમાં એક વ્યક્તિ આવી વાનગીમાંથી આઈસ્ક્રીમ બનાવતો જોવા મળે છે, જે કલ્પના બહાર છે. આજ સુધી તમે વેનીલા, ચોકલેટ સહિત વિવિધ ફ્લેવરની ઘણી આઈસ્ક્રીમ ખાધો હશે. પરંતુ શું તમે ક્યારેય મેગી આઈસ્ક્રીમ ખાધો છે? વાયરલ વીડિયોમાં એક વ્યક્તિ બતાવે છે કે મેગી આઈસ્ક્રીમ કેવી રીતે બનાવવો. જ્યારે આ વીડિયો વાયરલ થયો ત્યારે લોકો પોતાના ગુસ્સાને કાબૂમાં રાખી શક્યા નહીં અને કોમેન્ટમાં તેમની ટીકા કરવા લાગ્યા.
લોકોએ શું કહ્યું?
આ વીડિયોને Instagram પર foodb_unk નામના એકાઉન્ટથી શેર કરવામાં આવ્યો છે. આ વીડિયોને 1.1 મિલિયન લોકો જોઈ ચૂક્યા છે. વીડિયો જોયા બાદ લોકોએ ગુસ્સામાં અનેક પ્રકારની કોમેન્ટ કરી હતી. એક યુઝરે લખ્યું- ગરુડ પુરાણમાં આ માટે અલગથી સજા છે. એક યુઝરે લખ્યું- બિચારી મેગી પણ વિચારતી હશે કે તેની સાથે શું થઈ રહ્યું છે. અન્ય યુઝરે લખ્યું- બીજું કંઈ મળ્યું નથી.
