ક્રિકેટર વિરાટ કોહલીનો એક વીડિયો સોશિયલ મીડિયા પર લોકોને ખૂબ ગમી રહ્યો છે. આ વીડિયોમાં વિરાટ કોહલી તેની પત્ની અનુષ્કા શર્મા અને ક્યૂટ દીકરી વામિકા સાથે જોવા મળી રહ્યો છે. આ વીડિયો વૃંદાવનનો છે.
વિરાટ કોહલી પરિવાર સાથે વૃંદાવન પહોંચ્યો હતો. તેમણે પહેલા દિવસે બાબા નીમ કરોલીના આશ્રમની મુલાકાત લીધી હતી. તેમણે અહીં કુટીરમાં તપ કર્યું. બાબા નીમ કરોલીના પ્રસાદ સ્વરૂપે ધાબળો મેળવ્યો. વિરાટ-અનુષ્કા ગુરુવારે સંત પ્રેમાનંદ ગોવિંદ શરણના આશ્રમ પહોંચ્યા હતા. તેમણે પુત્રી વામિકા સાથે સંત પ્રેમાનંદના આશીર્વાદ લીધા હતા.
સંત પ્રેમાનંદ ગોવિંદ શરણના આશ્રમમાં અભિનેત્રી અનુષ્કા શર્માએ રાધારાણીના પ્રસાદના રૂપમાં ચુંદડી પહેરી હતી અને તેમના આશીર્વાદ પણ લીધા હતા. અભિનેત્રીના ખોળામાં બેસીને દીકરી વામિકા સુંદર તોફાન કરતી જોવા મળી હતી.