બોલિવૂડની સદાબહાર અભિનેત્રી રેખા ભલે મોટા પડદા પર અભિનયથી દૂર હોય પરંતુ ચાહકોમાં આ ઉંમરે પણ તેમની દિવાનગી સહેજે ઓછી નથી. રેખાની સુંદરતાની સરખામણીમાં આજની અભિનેત્રીઓ પણ ફીકી સાબીત થાય છે, દરેક અભિનેત્રીની ઇચ્છા એ જ હોય છે કે એ રેખા જેવો ચાર્મ ટકાવી રાખે પરંતુ એ શક્ય નથી કારણ કે એક જ રેખા છે. જોકે આ વખતે રેખા એક અલગ જ મૂડની ચર્ચાના કેન્દ્રમાં છે. તેણે તેના એક પ્રશંસકને થપ્પડ મારી દીધી. જો કે અભિનેત્રીએ ગુસ્સામાં આવું ન કર્યું.
68 વર્ષની રેખા પોતાના જાજરમાન અવતાર સાથેે એક એવોર્ડ શોમાં પહોંચી હતી, ફિલ્મી દુનિયાના ઘણા સ્ટાર્સ આ શોમાં હાજર હતા. જોકે, રેખાની એન્ટ્રી થતાં જ એ જ એ લાઈમલાઈટમાં હતી. તેણીની સુંદરતા અને મોહકતા દરેકને પોતાના તરફ ખેંચે છે. આ દરમિયાન, રેખા સ્મિત ચહેરે અને હાથ જોડીને ફોટોગ્રાફરને પોઝ આપી રહી હતી. આ દરમિયાન એક ફેન ફોટો લેવા માટે ખૂબ જ ઉત્સાહિત દેખાઈ રહ્યો હતો. પહેલા, રેખાએ પ્રેમથી આ ફેન સાથે સેલ્ફી લીધી અને તેના ખભા પર હાથ મૂક્યો, ત્યારબાદ તેણીએ જતા સમયે પ્રેમથી તેના ગાલ પર ટપલી મારી. જોકે તે રેખાનો પ્રેમ હતો.
વીડિયો જોયા બાદ યુઝર્સને ફની રિએક્શન પણ મળી રહ્યા છે. એક યુઝરે લખ્યું કે રેખાજીએ તેને સ્પર્શ કર્યો છે… હવે તે ઘણા દિવસો સુધી સ્નાન નહીં કરે. અન્ય એક યુઝરે લખ્યું- રેખા ખૂબ જ સુંદર બની રહી છે… હવે અમિતાભ બચ્ચન એ અનુભવી રહ્યા હશે કે તેમણે શું ગુમાવ્યું છે. તમને જણાવી દઈએ કે આ એવોર્ડ શોમાં રણદીપ હુડા, મનીષ મલ્હોત્રા, રવિના ટંડન, વાણી કપૂર, જિયા શંકર અને ઝરીન ખાન જેવા સ્ટાર્સ પણ જોવા મળ્યા હતા.