વૈદિક જ્યોતિષશાસ્ત્રમાં વાસી રાજયોગને શ્રેષ્ઠ ફળદાયી ગણવામાં આવે છે. ઓગસ્ટ મહિનામાં આ વાસી રાજયોગની રચના થવાની છે. વાસી યોગ કેવી રીતે રચાય છે એ અંગે જાણીએ તો જ્યોતિષશાસ્ત્ર અનુસાર, હાલ સૂર્ય કર્ક રાશિમાં બિરાજમાન છે, જ્યારે 16 ઓગસ્ટે સૂર્ય કર્ક રાશિ છોડીને સિંહ રાશિમાં પ્રવેશ કરશે. એ સમયે બુધ સિંહ રાશિમાં રહેશે. જ્યારે સૂર્ય સિંહ રાશિમાં પ્રવેશ કરશે ત્યારે ચંદ્ર કર્ક રાશિમાં હશે અને શુક્ર સૂર્યથી 12મા ભાવમાં હશે. એ સંજોગોને જ્યોતિષમાં શુભ ફળદાયી વાસી રાજયોગ કહેવાય છે. એ ઉપરાંત જોવામાં આવે તો, સિંહ રાશિમાં સૂર્યના સંક્રમણ સમયે ચંદ્ર અને મંગળનો સંયોગ પણ જોવા મળશે. જેના કારણે ચંદ્ર યોગ બનશે. આવી સ્થિતિમાં 5 રાશિના લોકો માટે ઓગસ્ટ મહિનો ખૂબ જ શુભ રહેશે. આ દરમિયાન આ રાશિના લોકોને નાણાકીય લાભની સાથે તેમની કારકિર્દીમાં સફળતા મળશે.
મેષ
વાસી રાજ યોગ બનવાથી મેષ રાશિના જાતકોને શ્રેષ્ઠ પરિણામ મળવાના છે. આ સમયગાળામાં શિક્ષણ ક્ષેત્રે ન ધારેલા લાભ મળવાની સંભાવના છે. આ દરમિયાન તમારી વિદેશ યાત્રાની પણ તકો બની રહી છે. આ દરમિયાન તમે ધાર્મિક કાર્યોમાં વધુ વ્યસ્ત રહેશો. આ સાથે તમારી તીર્થયાત્રાની પણ તકો બની રહી છે. જેઓ ટેકનિકલ ક્ષેત્ર સાથે જોડાયેલા છે તેમના માટે આ શ્રેષ્ઠ સાબિત થશે. સંતાન તરફથી તમને સારા સમાચાર મળશે.
સિંહ
વાસી રાજ યોગ બનવાને કારણે સિંહ રાશિના લોકોને ઓગસ્ટ મહિનામાં પોતાનામાં એક અલગ જ આત્મવિશ્વાસ જોવા મળશે. તેની સાથે આ સમય દરમિયાન તમારું વ્યક્તિત્વ પણ નિખરતું જણાશે. તમે તમારામાં એક અલગ સુધારો જોઈ શક્શો. આ સમયગાળા દરમિયાન તમારી આર્થિક સ્થિતિ ઘણી સારી રહેશે. તમારી આવકમાં વધારો થશે અને તમારા પારિવારિક જીવનમાં પ્રગતિ થશે. જેઓ કોઈની સાથે ભાગીદારીમાં વેપાર કરે છે તેઓને આ સમયગાળામાં લાભ થશે.
તુલા
વાસી રાજ યોગ બનવાના કારણે તુલા રાશિના જાતકોને ધનલાભના યોગ બનશે. તમારી લાંબા સમયથી મનમાં રહેલી પ્રિય ઇચ્છા પૂર્ણ થશે. જે લોકો પાસે સરકારી ક્ષેત્રો સાથે સંબંધિત કોઈ કામ છે, તેમને આ સમય દરમિયાન કરવામાં આવશે. આની સાથે તમને મિત્રો તરફથી નાણાકીય લાભ પણ મળશે. કાર્યસ્થળમાં પણ તમને માન-સન્માન મળશે. વાસી રાજયોગ તમને ધનની દ્રષ્ટિએ પણ લાભ આપશે. આ સમય દરમિયાન તમને એકથી વધુ સ્ત્રોતોથી નાણાકીય લાભ મળશે. આ દરમિયાન તમારા મોટા ભાઈના સંપર્કમાં રહો, તેમની મદદથી તમને લાભ મળશે.
વૃશ્ચિક
વાસી રાજયોગના પ્રભાવથી વૃશ્ચિક રાશિના લોકોના જીવનમાં સકારાત્મક પરિવર્તન જોવા મળશે. વાસી રાજ યોગ તમારા વ્યાવસાયિક અને અંગત જીવનમાં સફળતા અપાવશે. તમારી કારકિર્દીમાં પ્રગતિ થશે. જેના કારણે તમારી આર્થિક સ્થિતિ પણ ઘણી સારી રહેવાની છે. આ સમય દરમિયાન કેટલાક લોકોને પૈતૃક સંપત્તિમાંથી પણ લાભ મળવાની સંભાવના છે. તમારા જીવનમાં ખુશીઓ આવશે. તમારી સંપત્તિમાં વધારો કરવાની સારી અને નવી તકો મળશે.
ધન રાશિ
વાસી રાજ યોગ બનવાના કારણે ધન રાશિના લોકોને ઘણો ફાયદો થશે. આ સમયગાળા દરમિયાન તમે જે પણ પ્રયાસ કરશો તે સફળ થશે. તમે એક પછી એક માઈલસ્ટોન હાંસલ કરવાનો આનંદ માણી શકશો. આ સમય દરમિયાન તમે રોમાંચક પ્રવાસ પર પણ જઈ શકો છો. આ દરમિયાન તમે ખૂબ જ ભાગ્યશાળી રહેશો. તમને એક પછી એક ઘણા ફાયદા મળશે. તમારું સ્વાસ્થ્ય પણ આ સમયે પહેલા કરતા ઘણું સારું રહેશે.