30 30 લોકોને ભરખી જનાર રાજકોટ અગ્નિકાંડ મુદ્દે આજે એટલે કે, 6 જૂનના રોજ ગુજરાત હાઇકોર્ટમાં સુનાવણી શરૂ થઈ ગઈ છે.રાજકોટ ટીઆરાપી ગેમઝોન અગ્નિકાંડ કેસની સુઓમોટો પીઆઈએલ અને એડવોકેટ અમિત પંચાલ દ્વારા દાખલ કરાયેલી રીટ અરજીમાં રાજકોટ મ્યુનિસિપલ કોર્પોરેશનના તત્કાલીન કમિશનર આનંદન પટેલ સહિતના સત્તાવાળાઓ દ્વારા હાઈકોર્ટમાં કરાયેલા સોગંદનામામાં બહુ મોટો ખુલાસો સામે આવ્યો છે. ટીઆરપી ગેમિંગ ઝોન માત્ર ટિકિટ બુકિંગના પોલીસના લાયસન્સ પર જ ધમધમતો હતો.
ગેમઝોનના ગેરકાયદે બાંધકામ અંગે રાજકોટ મનાપાના ટાઉન પ્લાનીંગ ડેવલોપમેન્ટ ઓફિસ અને તેના અધિકારીઓને જાણ હતી, અને ગયા વર્ષે તેના ગેરકાયદે બાંધકામને તોડી નાંખવાની નોટીસ ફટકારવામાં આવી હતી. તેમ છતાં 11 મહિના સુધી ટાઉન પ્લાનિંગ ડિપાર્ટમેન્ટ તરફથી કોઈજ કાર્યવાહી કરવામાં આવી નહોતી. આખરે 30 લોકોના ગેમઝોનના અગ્નિકાંડમાં ભુંજાઈ જવાની કરૂણાંતિકા સર્જાઈ.
રાજકોટ મહાનગર પાલિકાના સત્તાવળાઓ તરફથી દાખલ કરાયેલા સોગંદનામામાં એક રીતે પોતાના અધિકારીઓની ભૂલ, ફરજમાં નિષ્કાળજી અને ગંભીર બેદરકારીનો સ્વીકાર કરવામાં આવ્યો હતો, અને નિખાલસ એકરાર કરતાં જણાવ્યું કે ટીઆરપી ગેમઝોનના કિસ્સામાં સંબંધિત ટાઉન પ્લાનીંગ ઓફિસરે સ્થળ મુલાકાત લઈ કાયદા મુજબનું પાક્કું નીરીક્ષણ કરવાની જરૂર હતી.
કોર્ટના ઓર્ડર મુજબ ચારેય મહાનગરના કમિશનરોએ એફિડેવિટ ફાઈલ કરી. RMC એફિડેવિટમાં જણાવ્યું છે કે, અમિત અરોરાએ તેમાં કહ્યું સમયાંતરે ચેકિંગ કરાયું નથી. ફાયર વિભાગે TRP ગેમ ઝોનમાં ચેકિંગ કર્યું નહિ, ફાયર NOC માટે TRPએ અરજી કરી નહોતી. આનંદ પટેલ અકસ્માત વખતે RMCના કમિશનર તેમની એફિડેવિટ જણાવે છે કે, ટિકિટ બુકિંગ માટેની પરમિશન લેવાઈ નહોતી. અત્યારના RMC કમિશનરે કહ્યું કે, આ TRP ગેમ ઝોનના ગેરકાયદેસર બાંધકામ વિશે ઓથોરિટી જાણતી હતી.