શાહરૂખ ખાનની ફિલ્મ જવાનનો દેખાવ લોકોને વધારે પડતો પજવી રહ્યો છે. ફિલ્મ જોનારાઓ તેને માથાનો દુઃખાવો જ ગણાવી રહ્યા છે. શાહરૂખ ખાનના વિચિત્ર દેખાવની ફિલ્મી ચાહકો તો મજાક ઊડાવી જ રહ્યા છે પરંતુ પોલીસ ખાતુ પણ તેના આ દેખાવનો ફાયદો ઊઠાવવામાં પાછળ નથી રહ્યું. લોકોને ટ્રાફિક નિયમો વિશે જાગૃત કરવા ઉત્તર પ્રદેશ પોલીસ હવે જવાન ફિલ્મના બુઢ્ઢા શાહરૂખ ખાનની મદદ લીધી છે.
જવાન ફિલ્મમાં શાહરૂખ ખાનના ચિતરી ચડે તેવા પટ્ટીના લૂક વિશે દરેક જણને થઈ રહી છે અકળામણ. અભિનેતાએ તેના માથા પર ઘણી પટ્ટીઓ બાંધી છે અને માત્ર એક આંખ દેખાઈ રહી છે. આ લૂક જોઈને તેના ચાહકો પણ ફિલ્મ જોવાનું માંડી વાળતાં હોવાના અભિપ્રાય ચારેતરફ વહેતા થયા છે. અભિનેતાના આ લુકનો યુપી પોલીસે જબરો ઉપયોગ કર્યો છે. યુપી પોલીસે એક તરફ અભિનેતાનો ફોટો અને બીજી બાજુ હેલ્મેટનો ફોટો લગાવીને ટ્રાફિક નિયમોનું પાલન કરવાની સલાહ આપી છે. ફોટો પર લખેલું છે – જવાન હોય કે વૃદ્ધ, ટુ વ્હીલર પર બેસતા પહેલા ક્યારેય હેલ્મેટને ભૂલશો નહીં. યુપી પોલીસની આ સ્ટાઇલને યુઝર્સ પણ પસંદ કરી રહ્યા છે.
એક યુઝરે મજાક ઊડાવતાં લખ્યું – શાનદાર ટ્વીટ… SRK ફેન્સ આજ્ઞાકારી છે… ચોક્કસ સાંભળશે. અન્ય યુઝરે લખ્યું – ઉત્તર પ્રદેશ પોલીસ રોક્સ… શાહરૂખ ખાનના શોક્ડ્…. બીજાએ લખ્યું- આ ફિલ્મનું પ્રમોશન છે અને હેલ્મેટ પણ… વાહ અદ્ભુત યુપી પોલીસ… એક કાંકરે બે શિકાર કર્યા…
