સંસ્કારનગરી વડોદરાની શાંતિમાં પલિતો ચાપવા માંગતા તત્વો ફરી એકવખત સક્રિય થયા હોય તેમ વડોદરા MS યુનિવર્સિટીના સંસ્કૃત વિભાગની બહાર નમાઝ પઢતા યુવક યુવતીનો વીડિયો વાયરલ થયો છે. વીડિયો વાયરલ થતાં જ અહીં ભારે હંગામો વર્તાઈ રહ્યો છે. બનાવની જાણ થતાં જ વડોદરા પોલીસ હરકતમાં આવી ચૂકી છે અને હરકતને અંજામ આપતાં લોકો સુધી પહોંચવા સાથે શહેરમાં કોઈ પ્રત્યાઘાત ન સર્જાય એ માટે ચાંપતી નજર રાખવામાં આવી રહી છે.
એમએસ યુનિવર્સિટીના સંસ્કૃત વિભાગની બહાર નમાઝ પઢવાની ઘટના અંગે વિદ્યાર્થી સંગઠનો દ્વારા વિજિલન્સ વિભાગને જાણ કરાઇ હતી. વિજિલન્સની ટીમે બંને વિદ્યાર્થીઓને અટકાવ્યા હતાં. વિદ્યાર્થીઓના આઈ.કાર્ડ તપાસી કાર્યવાહી હાથ ધરાઇ છે. વિજિલન્સ અધિકારી ચંદન રાઠોડે જણાવ્યુંકે, દુર્ભાગ્યપૂર્ણ છે કે, શૈક્ષણિક સંકુલની ગરિમા જાળવાઈ નથી. પરીક્ષા પૂર્ણ થયા બાદ વિદ્યાર્થીઓના નિવેદન લઈ વધુ કાર્યવાહી હાથ ધરવામાં આવશે.
