તુલસી એક ઔષધિ છે અને આયુર્વેદમાં તેને રામબાણ માનવામાં આવે છે. આયુર્વેદમાં તેને જડીબુટ્ટીઓની રાણી પણ કહેવામાં આવે છે. નેશનલ લાઇબ્રેરી ઓફ મેડિસિન અનુસાર, તેમાં એન્ટી-બેક્ટેરિયલ, એન્ટી-ફંગલ, એન્ટિ-પાયરેટિક, એન્ટિસેપ્ટિક, એન્ટિ-ઓક્સિડન્ટ અને એન્ટિ-કેન્સર જેવા ગુણધર્મો છે.
તેની ચમત્કારિક અસર અનેક ગંભીર બીમારીઓમાં પણ જોવા મળી છે. તેના મૂળ, પાંદડા અને બીજ ઘણી હર્બલ દવાઓમાં વપરાય છે. તુલસીના પાન ઘણા સ્વાસ્થ્ય લાભો ધરાવે છે અને તેનો ઉપયોગ આયુર્વેદ, હોમિયોપેથી અને અન્ય દવાઓમાં થાય છે.
રોગપ્રતિકારક શક્તિ વધારે છે
તુલસીના બીજમાં ફ્લેવોનોઈડ્સ અને ફિનોલિક સંયોજનો હોય છે, જે શરીરની રોગપ્રતિકારક શક્તિને સુધારવામાં મદદ કરે છે. રોગપ્રતિકારક શક્તિ વધારવામાં પણ તુલસીની ચા ખૂબ જ ફાયદાકારક છે. તુલસીમાં જોવા મળતા ફ્લેવોનોઈડ એન્ટીઓક્સીડેન્ટ છે જે શરીરને ફ્રી રેડિકલથી બચાવે છે.
તણાવ ઘટાડે છે
તુલસી તણાવની સમસ્યાને ઓછી કરવામાં મદદરૂપ છે. તુલસીમાં ઘણા રસાયણો હોય છે જે મગજ પર ઊંડી અને હકારાત્મક અસર કરે છે. તુલસીનું સેવન તણાવ, ચિંતા અને ઘણી માનસિક સમસ્યાઓને દૂર કરવામાં મદદરૂપ છે.તુલસીમાં રહેલા વિટામિન સી અને અન્ય રાસાયણિક તત્વો મૂડ સ્વિંગને સુધારવામાં મદદ કરે છે.
સુગર લેવલને નિયંત્રિત કરે છે
તુલસીના આ પાણીને પીવાથી મેટાબોલીઝમ વધુ સારું થાય છે, જેના કારણે કાર્બ્સ અને ફેટ બર્ન કરવી વધુ સરળ બને છે. આને કારણે તમારા લોહીમાં હાજર સુગર લેવલ નિયંત્રણમાં રહે છે. આ તમામ ગુણધર્મોને લીધે ડાયાબિટીસના દર્દીઓ વધુ સારી રીતે તેમના સુગર કંટ્રોલને રાખી શકે છે.
તુલસીના પાનનું આ રીતે બનાવો પાણી
એક પેનમાં એક ગ્લાસ પાણી નાખો અને તેને ઉકળવા દો.હવે તેમાં તુલસીના કેટલાક પાન નાખો અને પાણી અડધું ન થાય ત્યાં સુધી આ પાણી ઉકળવા દો. ગેસ બંધ કરો અને તેને ફિલ્ટર કરો. હવે તેમાં મધ નાખો અને તેનું સેવન કરો.
પાચન સમસ્યાઓ દૂર થાય છે
જો કોઈ વ્યક્તિને પાચન સંબંધિત સમસ્યા હોય છે, તો પછી સવારે તુલસીનો છોડ ચોક્કસ પીવો. તુલસીના પાણીનું સેવન કરવાથી ગેસ અને કબજિયાત જેવી સમસ્યાઓ દૂર થાય છે.