જામનગરમાં 2 માર્ચે બોલિવૂડ કલાકારોનો મેળો પણ જોવા મળ્યો હતો. મુકેશ અને નીતા અંબાણીના પ્રિય અનંત અંબાણીના લગ્ન 12 જુલાઈ 2024ના રોજ થવાના છે. પરંતુ તે પહેલા તેઓએ પ્રી-વેડિંગ ફંક્શનનું આયોજન કર્યું અને આખા બોલિવૂડને આમંત્રણ આપ્યું. ઘણાએ સ્ટેજ પરફોર્મન્સ પણ આપ્યું હતું. આમાં શાહરૂખ ખાન પણ સામેલ હતો. તેણે સાંજનું આયોજન પણ કર્યું અને કંઈક એવી શરૂઆત કરી જેણે દરેકનું ધ્યાન ખેંચ્યું.
શાહરૂખ ખાન પઠાણી અવતારમાં જોવા મળ્યો હતો. તેણે સંપૂર્ણ બ્લેક આઉટફિટ પહેર્યો હતો. વાળ બાંધેલા હતા. તેના એક હાથમાં માઈક અને બીજા હાથમાં કાર્ડ હતું. સ્ટેજ પર પાછળથી આગળ આવીને તેણે ‘જય શ્રી રામ’ કહ્યું, ત્યાર બાદ લોકોએ પોતાની પ્રતિક્રિયાઓ આપવાનું શરૂ કર્યું. જો કે અભિનેતાએ ઘણું આગળ કહ્યું, પરંતુ લોકોનું ધ્યાન આ ત્રણ શબ્દો પર અટકી ગયું.
લોકોએ આકરી ટિપ્પણી કરતા તેને ટ્રોલ કરતા કહ્યું હતું કે,’જયારે રામ મંદિરની પ્રાણ પ્રતિષ્ઠા હતી તે દરમિયાન તમારી રામભક્તિ કેમ જોવા નહોતી મળી?’,પ્રાણ પ્રતિષ્ઠામાં કેમ શુભેછા નહોતી દીધી,તે દરમિયાન તમે ક્યાં હતા?
શાહરૂખ ખાને ડાન્સ કર્યો
શાહરૂખ ખાને પણ આ ઈવેન્ટમાં ‘ઝૂમ જો પઠાણ’ પર સોલો પરફોર્મન્સ આપ્યું હતું. આ સિવાય તેણે સલમાન અને આમિર ખાન સાથે પણ ડાન્સ કર્યો હતો. પરંતુ સૌથી વધુ તેમણે ‘જય શ્રી રામ’ બોલીને લોકોનું ધ્યાન ખેંચ્યું. કેટલાક યુઝર્સે તેની પ્રશંસા કરી તો કેટલાકે તેની ઝાટકણી કરી.
લોકોએ શાહરૂખ પર કટાક્ષ કર્યો
એક યુઝરે લખ્યું, ‘આ કોઈ એવોર્ડ શો નથી.’ એકે કહ્યું, ‘પઠાણ આવ્યો છે’ અને બીજાએ કહ્યું, ‘એન્કરિંગ કરવા માટે પૈસા મળ્યા હશે.’ તો અન્ય એકે કહ્યું, ‘જય શ્રી રામ એસઆરકે.’,અન્ય યુઝરે કહ્યું ‘પૈસાનો કિંગ ખાન.’ તે જ સમયે કેટલાક લોકોએ પૂછ્યું કે બચ્ચન પરિવાર ક્યાં છે.
