ગુજરાતમાં શાહરૂખ ખાન અને દીપિકા પાદુકોણ સ્ટારર ફિલ્મ ‘પઠાણ’ સામે વિરોધ ઉગ્ર બની રહ્યો છે. વિશ્વ હિન્દુ પરિષદ અને બજરંગ દળની ચેતવણી બાદ હવે શિક્ષક સંઘ પણ ફિલ્મના વિરોધમાં આવી ગયું છે. વિશ્વ હિંદુ પરિષદ અને બજરંગ દળે કહ્યું છે કે જો ફિલ્મ ગુજરાતમાં રીલીઝ થશે તો કોઈપણ અપ્રિય ઘટના માટે થિયેટર માલિકો જવાબદાર રહેશે. તો ત્યાં નેશનલ એજ્યુકેશનલ ફેડરેશને મુખ્યમંત્રી ભૂપેન્દ્ર પટેલને પત્ર લખ્યો છે. હિન્દુ યુવા વાહિની પહેલાથી જ ફિલ્મનો વિરોધ કરી રહી છે. તેના નેતાઓએ સિનેમા માલિકોને ખુલ્લી ચેતવણી આપી છે. આવી સ્થિતિમાં આ ફિલ્મની રિલીઝને લઈને મોટો હોબાળો મચી રહ્યો છે. ગૃહમંત્રી હર્ષ સંઘવીના હોમટાઉન સુરતમાં શાહરૂખના ચાહકો આ ફિલ્મ રોકવા માટે કેમ્પેઈન આક્રમક રીતે ચલાવી રહ્યા છે.
ફેડરેશને આ પત્રમાં માંગ કરી છે કે શાહરૂખ ખાન અને દીપિકા પાદુકોણ અભિનીત ફિલ્મ પઠાણને સિનેમાઘરોમાં તેમજ સોશિયલ મીડિયા સહિત તમામ ઓનલાઈન પ્લેટફોર્મ પર પ્રતિબંધિત કરવામાં આવે. ગુજરાતના લોક સાહિત્યકાર રાજભા ગઢવીએ પહેલા જ ગુજરાતની જનતાને ફિલ્મનો બહિષ્કાર કરવાની અપીલ કરી છે. ફિલ્મ પઠાણ તેના ગીત ‘બેશરમ રંગ’ રિલીઝ થયા બાદ વિરોધનો સામનો કરી રહી છે. ગીતમાં ભગવા રંગની બિકીની પહેરેલી દીપિકા પાદુકોણ સામે સખત વાંધો વ્યક્ત કરવામાં આવી રહ્યો છે. આહિરે ટ્વીટ દ્વારા પઠાણને ગુજરાતમાં ન ચલાવવા ચેતવણી પણ આપી છે. આ ફિલ્મ આવતા મહિનાની 25 તારીખે રિલીઝ થવાની છે.
ગુજરાતમાં હિન્દુ યુવા વાહિની પણ આ ફિલ્મનો વિરોધ કરી રહી છે. ગુજરાતના પૂર્વ પ્રદેશ પ્રમુખ વિકાસ આહિર જણાવ્યું હતું કે જો ફિલ્મ રિલીઝ થશે તો ઉગ્ર વિરોધ કરવામાં આવશે. જે પણ મલ્ટિપ્લેક્સ ચેન આ ફિલ્મ બતાવશે, અમે તેમની અન્ય ફિલ્મોને ચાલવા દઈશું નહીં. આહિરે કહ્યું કે બેશરમ ગીતમાં પહેરવામાં આવેલી ભગવી બિકીનીએ દેશભરના હિન્દુ સમાજની લાગણીઓને ઠેસ પહોંચાડી છે. વિકાસ આહિરે જણાવ્યું હતું કે, સોશિયલ મીડિયા પર પહેલાથી જ બોયકોટ પઠાણ અભિયાન ચાલી રહ્યું છે. જરૂર પડશે તો તેઓ રસ્તા પર પણ ઉતરશે.
ગુજરાતમાં 2005થી અત્યાર સુધીમાં પાંચ ફિલ્મો પર પ્રતિબંધ મૂકવામાં આવ્યો છે. જેમાં ચાંદ બુજ ગયા, ફના, પરઝાનિયા, ફિરાક, પદ્માવતી ફિલ્મોનો સમાવેશ થાય છે. ગુજરાતમાં આ ફિલ્મોનો ભારે વિરોધ થયો હતો. આ પછી સરકારે ગુજરાતમાં આ ફિલ્મો પર પ્રતિબંધ મૂક્યો હતો. ફિલ્મ પઠાણને લઈને જે રીતે વિરોધ વધી રહ્યો છે. આ કારણે તેની ફિલ્મ રિલીઝ થવાની શક્યતાઓ ઘટી રહી છે.
