કોરોના વાયરસ રોગચાળાના સંકટમાં સુધારાને ધ્યાનમાં રાખીને, કેન્દ્રીય આરોગ્ય મંત્રાલયે આંતરરાષ્ટ્રીય આગમન માટે નવી માર્ગદર્શિકા બહાર પાડી. આ મુજબ 14 ફેબ્રુઆરીથી ‘એટ રિસ્ક’ અને અન્ય દેશોની શ્રેણી દૂર કરવામાં આવશે. ઉપરાંત, 14 ફેબ્રુઆરીથી ભારત આવતા મુસાફરોને RTPR ટેસ્ટ કરાવવાની જરૂર રહેશે નહીં. માત્ર રસીકરણ રિપોર્ટ અપલોડ કરવાનો રહેશે.
આ સિવાય એરપોર્ટ પર કોરોના ટેસ્ટ કરાવવાની જરૂર રહેશે નહીં. તે જ સમયે, સાત દિવસની હોમ ક્વોરેન્ટાઇન નાબૂદ કરવામાં આવશે. માત્ર 14 દિવસ માટે સેલ્ફ મોનિટરિંગ કરવાનું રહેશે. માત્ર બે ટકા મુસાફરોનું રેન્ડમ ટેસ્ટિંગ કરવામાં આવશે.
read more: શાળાના મકાન ભાડા પેટે નક્કી 35 ટકા અથવા તો ચુકવાયેલા મકાન ભાડા પૈકી જે ઓછુ હોય તે મળવાપાત્ર
માર્ગદર્શિકા મુજબ, ભારતની મુસાફરી કરતા મુસાફરોએ મુસાફરી કરતા પહેલા એર સુવિધા પોર્ટ (https://www.newdelhiairport.in/airsuvidha/apho-registration) પર સ્વ-ઘોષણા ફોર્મમાં સંપૂર્ણ અને વાસ્તવિક માહિતી પ્રદાન કરવી પડશે, જેમાં મુસાફરી છેલ્લા 14 દિવસની વિગતો પણ સામેલ કરવામાં આવશે. મુસાફરોએ મુસાફરી શરૂ થયાના 72 કલાકની અંદર નકારાત્મક RT-PCR ટેસ્ટ રિપોર્ટ અથવા સંપૂર્ણ રસીનું પ્રમાણપત્ર અપલોડ કરવાનું રહેશે.
સંબંધિત એરલાઇન્સ અને એજન્સીઓએ મુસાફરોને તેમની ટિકિટ સાથે શું કરવું અને શું ન કરવું તેની માહિતી આપવાની રહેશે. તેમાં કહેવામાં આવ્યું છે કે એરલાઇન્સે ફક્ત તે મુસાફરોને જ મુસાફરી કરવાની મંજૂરી આપવી પડશે જેમણે સ્વ-ઘોષણા ફોર્મમાં તમામ વિગતો ભરી છે અને તેમનો RT-PCR ટેસ્ટ રિપોર્ટ અથવા રસીકરણ પ્રમાણપત્ર દર્શાવ્યું છે.
