હવામાન વિભાગની આગાહી અનુસાર આજે રાજ્યના કેટલાક વિસ્તારોમાં વરસાદ વરસવાની સંભાવના છે. તેમજ આગામી બે દિવસ મધ્ય ગુજરાત અને દક્ષિણ ગુજરાતના શહેરોમાં હળવા ઝાપટા પડે તેવી શક્યતાઓ વ્યક્ત કરી છે. હવામાન વિભાગની આગાહી અનુસાર 8 અને 9મી જૂને પણ કેટલાક વિસ્તારોમાં વરસાદ પડી શકે છે. બીજી તરફ અમદાવાદમાં બે દિવસ વાદળછાયું વાતાવરણ રહે તેવી શક્યતા છે.
હવામાન વિભાગના અમદાવાદ કેન્દ્રના મોસમ વૈજ્ઞાનિકએ આગાહીમાં જણાવ્યું હતુ કે, ગુજરાતમાં હાલ પ્રી મોન્સૂનનો વરસાદ થઇ રહ્યો છે. રાજ્યમાં 15 જૂનની આસપાસ ચોમાસાની દસ્તકની સામાન્ય તરીખ છે, તેના સંદર્ભે પણ આ વરસાદ છે. બુધવારે રાજ્યમાં વલસાડ, નવસારી, સુરતમાંમાં હળવો વરસાદ થયો હતો.
ગુજરાતમાં પણ પ્રિ મોનસૂન એક્ટિવિટી શરૂ થઈ ગઈ છે. આગામી 12 તારીખે સત્તાવાર રીતે ગુજરાતમાં ચોમાસું બેસી શકે છે. આ પહેલા હવામાન વિભાગે આગામી 7 દિવસ રાજ્યમાં વરસાદના આગાહી કરી છે.
કઈ તારીખે ક્યા જીલ્લામાં પડશે વરસાદ
6 જૂને દાહોદ, છોટાઉદેપુર, તાપી, ડાંગ, વલસાડ, નવસારી, દમણ દાદરા નગર હવેલી માં ગાજવીજ સાથે વરસાદની શક્યતા છે. 7 જૂને દાહોદ, છોટાઉદેપુર, તાપી, ડાંગ, વલસાડ, નવસારી, દમણ દાદરા નગર હવેલી માં ગાજવીજ સાથે વરસાદની શક્યતા છે.
રાજ્યમાં કેટલુ રહેશે તાપમાન
હવામાન વિભાગની આગાહી અનુસાર આજે અમદાવાદ, અમરેલી, ગાંધીનગર, ખેડા, મહીસાગર, મહેસાણા, પાટણ, રાજકોટ, સાબરકાંઠા સહિતના જિલ્લાઓમાં 40 ડિગ્રી મહત્તમ તાપમાન રહે તેવી સંભાવના છે. બીજી તરફ આણંદ, અરવલ્લી, બનાસકાંઠા, છોટાઉદેપુર, મોરબી, નર્મદા, પંચમહાલ, વડોદરા સહિતના જિલ્લાઓમાં 39 ડિગ્રી મહત્તમ તાપમાન રહે તેવી સંભાવના છે. આ તરફ ભરુચ, ભાવનગર, દાહોદ, જુનાગઢ, કચ્છ સહિતના જિલ્લાોમાં 38 ડિગ્રી મહત્તમ તાપમાન રહે તેવી સંભાવના છે.