યુક્રેનમાં યુરોપના સૌથી મોટા ન્યુક્લિયર પાવર પ્લાન્ટ પર રશિયાએ હુમલો કર્યા બાદ વિશ્વ બજાર પર તેની માઠી અસર થઈ રહી છે. ભારતીય શેરબજારમાં ભારે ઘટાડા વચ્ચે સોનાના ભાવ રેકોર્ડ સ્તરે પહોંચી ગયા છે. બીજી તરફ કાચા તેલના ભાવમાં પણ સતત વધારો જોવા મળી રહ્યો છે.
આગામી સમયમાં સોના-ચાંદીના ભાવમાં વધુ વધારો થઈ શકે છે. શુક્રવારે સવારે 999 શુદ્ધતાના સોનાની કિંમત વધીને રૂ. 51,689 થઈ ગઈ હતી. જોકે, સવારે ચાંદીમાં ઘટાડો જોવા મળ્યો હતો. સત્રની શરૂઆતમાં સોનું 51638 રૂપિયા પ્રતિ 10 ગ્રામ પર બંધ થયું હતું. બીજી તરફ ચાંદીનો ભાવ રૂ.68015 પ્રતિ કિલો બંધ રહ્યો હતો.
read more: બાહુબલી 3ની તૈયારીમાં પ્રભાસ અને રાજામૌલી! આ જ જાદુ બોક્સ ઓફિસ પર ફરી કામ કરશે
વૈશ્વિક બજારમાં ઉછાળાને કારણે શુક્રવારે સ્થાનિક બજારમાં સોનાની કિંમત 14 મહિનાની ઊંચી સપાટીએ પહોંચી ગઈ હતી. MCX પર બપોરે 1 વાગ્યાની આસપાસ એપ્રિલ ડિલિવરી સોનું રૂ.51954 અને જૂન ડિલિવરી સોનું 52217ના સ્તરે ટ્રેડ થઈ રહ્યું હતું.
આંતરરાષ્ટ્રીય બજારમાં સોનું 1942 ડોલર પ્રતિ ઔંસના સ્તરે છે. તે જ સમયે, ચાંદીની કિંમત $ 25.26 ના સ્તર પર છે. નિષ્ણાંતોનું માનવું છે કે આગામી સમયમાં સોના-ચાંદીના ભાવમાં હજુ વધુ વધારો નોધાઈ શકે છે.
