આ સમય સોશિયલ મીડિયાનો છે, આવી સ્થિતિમાં સોશિયલ મીડિયામાં રોજના હજારો અને લાખો સમાચાર ખૂબ જ ઝડપથી વાયરલ થાય છે. ‘Gujarat Breaking’ તમને વાયરલ ફેક ન્યૂઝ સામે ચેતવણી આપી રહી છે જેથી તમે આ ફેક ન્યૂઝ શેર કરીને ક્યારેય મુશ્કેલીમાં ન પડો.
સોશિયલ મીડિયા પર છેલ્લા થોડા સમયથી એક સમાચાર વાયરલ થઈ રહ્યા છે. એક વેબસાઈટ “https://pm-yojna.in/5000rs/” દાવો કરી રહી છે કે ઓનલાઈન ફોર્મ ભર્યા બાદ “વડાપ્રધાનના લોક કલ્યાણ વિભાગ” દ્વારા દરેકને ₹5,000 ની આર્થિક સહાય આપવામાં આવી રહી છે. આખરે આ દાવાની સત્યતા શું છે? ચાલો તમને જણાવીએ.
આ દાવાની તપાસ કરતા કેન્દ્ર સરકારની એજન્સી PIB ફેક્ટ ચેકે સત્ય જણાવ્યું કે આ વેબસાઈટ પર કરવામાં આવેલો દાવો સાવ નકલી છે. આવી કોઈપણ વેબસાઈટ પર તમારી અંગત માહિતી શેર કરશો નહીં. આવા મેસેજ ફોરવર્ડ કરતા પહેલા #FactCheck કરો.
બની શકે કે આ સમાચાર સોશિયલ મીડિયાના વિવિધ માધ્યમો દ્વારા તમારા સુધી પણ પહોંચ્યા હોય અથવા ભવિષ્યમાં આવી શકે. તેથી સાવચેત રહો કે આ દાવો સંપૂર્ણપણે નકલી છે અને તેના પર વિશ્વાસ કરશો નહીં અને તેને આગળ મોકલશો નહીં.
