દિલ્હી સરકારના મંત્રી અને આમ આદમી પાર્ટીના નેતા સત્યેન્દ્ર જૈનનો વધુ એક વીડિયો વાયરલ થયો છે. ANI દ્વારા પોસ્ટ આ વીડિયોમાં, સસ્પેન્ડેડ જેલ અધિક્ષક મની લોન્ડરિંગ કેસમાં તિહાર જેલમાં બંધ સત્યેન્દ્ર જૈનના સેલમાં જોઈ શકાય છે. તેઓ AAP મંત્રી સાથે વાત કરી રહ્યા છે.
આ ઘટનાક્રમ પર ભારતીય જનતા પાર્ટીએ ફરી તેમના પર પ્રહારો કર્યા છે. ભાજપ નેતા શહજાદ જયહિંદે કહ્યું કે મીડિયાએ બીજો વીડિયો રજૂ કર્યો. આ વખતે સત્યેન્દ્રના દરબારમાં એક જેલ સુપ્રિટેન્ડેન્ટ છે, જેમને હાલ માટે સસ્પેન્ડ કરવામાં આવ્યા છે.
તેણે વધુમાં કહ્યું કે, સગીર પર બળાત્કારના આરોપી પાસેથી મસાજ અને નવાબી ભોજન બાદ હવે આ જોવાનો વારો આવ્યો છે. આ છે AAPની ભ્રષ્ટાચાર થેરાપી, પરંતુ કેજરીવાલજી તો હજીપણ તેમનો બચાવ કરશે. શું તેઓ હવે સત્યેન્દ્ર જૈનને હટાવશે?