રિલાયન્સના વડા મુકેશ અને નીતા અંબાણીના નાના પુત્ર અનંત અંબાણીની રોકા સેરેમની થઈ છે. હવે બહુ જલ્દી બંને લગ્ન કરી લેશે. અનંત અને રાધિકાને લગ્ન પહેલા રોકા થઈ ગયા છે. કપલની રોકા સેરેમનીની પ્રથમ તસવીર સામે આવી છે. રોકાનો આ કાર્યક્રમ રાજસ્થાનના રાજસમંદ જિલ્લામાં નાથદ્વારા સ્થિત શ્રીનાથજી મંદિરમાં યોજાયો હતો. અનંત અને રાધિકાના લગ્ન ક્યારે થશે તે અંગે કોઈ માહિતી સામે આવી નથી. અનંત અને રાધિકા લાંબા સમયથી એકબીજાને ઓળખે છે. રાધિકા અંબાણી પરિવારની દરેક ઈવેન્ટમાં જોવા મળે છે. હવે બહુ જલ્દી તે અંબાણી પરિવારની નાની વહુ બનશે. અનંત અને રાધિકા રોકા બાદ રિલાયન્સ ઈન્ડસ્ટ્રીઝના ડાયરેક્ટર પરિમલ નથવાણીએ ટ્વિટ કરીને બંનેને અભિનંદન પાઠવ્યા હતા.
મુકેશ અંબાણીના પુત્ર અનંત અંબાણી અને રાધિકા મર્ચન્ટ બાળપણથી એકબીજાને ઓળખે છે. વર્ષ 2018માં બંનેની સાથેની એક તસવીર સોશિયલ મીડિયા પર વાયરલ થઈ હતી. આ તસવીરમાં તે લીલા રંગના કપડામાં જોવા મળ્યો હતો. રાધિક એક પ્રશિક્ષિત ક્લાસિકલ ડાન્સર પણ છે.
આ વર્ષે જૂનમાં, અંબાણી પરિવારે તેમની ભાવિ પુત્રવધૂ રાધિકા મર્ચન્ટ માટે આરંગેત્રમ સમારોહનું આયોજન કર્યું હતું. બોલિવૂડના ફેમસ સ્ટાર્સ ત્યાં પહોંચ્યા હતા. ઈવેન્ટમાંથી રાધિકાના ક્લાસિકલ ડાન્સના કેટલાક વીડિયો સામે આવ્યા હતા, જેની લોકોએ ખૂબ પ્રશંસા કરી હતી.
રાધિકા મર્ચન્ટ એન્કોર હેલ્થકેરના સીઈઓ વિરેન મર્ચન્ટ અને શૈલા મર્ચન્ટની દીકરી છે. રાધિકાના પિતા વિરેનની પણ ગણના દેશના અમીર વ્યક્તિઓમાં થાય છે. રાધિકાએ તેનું સ્કૂલિંગ મુંબઈમાં કર્યું છે. આ પછી તે અભ્યાસ માટે ન્યૂયોર્ક ગઈ હતી. ત્યાં તેમણે રાજકારણ અને અર્થશાસ્ત્રનો અભ્યાસ કર્યો. 2017 માં સ્નાતક પૂર્ણ કર્યા પછી, તેઓ સેલ્સ એક્ઝિક્યુટિવ તરીકે ઇસ્પ્રાવામાં જોડાયા. તેને વાંચન, ટ્રેકિંગ અને સ્વિમિંગનો શોખ છે.
