સોશિયલ મીડિયા પર હંમેશા કેટલાક નવા ફૂડ ટ્રેન્ડ જોવા મળે છે, જેમાં આપણું મનપસંદ ફૂડ એક નવો ટ્રેન્ડ દેખાય છે. ટ્રેન્ડી ફ્યુઝન ડીશથી લઈને વિચિત્ર રચનાઓ સુધી,આ બધું જોયું છે. પરંતુ કેટલીકવાર આપણે કંઈક નવું જોઈને આશ્ચર્ય પામીએ છીએ અને પૂછીએ છીએ, આ શું છે? ત્યારે આવી જ એક નવી ઉત્તેજના પેદા કરતી વાનગી છે પાન ડોસા. આ યુનિક કોમ્બિનેશન જેમાં આપણી ફેવરિટ સાઉથ ઈન્ડિયન ડિશને લીલો ટ્વિસ્ટ આપવામાં આવ્યો છે તે લોકોનું ધ્યાન આકર્ષિત કરી રહ્યું છે. આટલું જ નહીં એક ચર્ચા છેડાઈ છે. હાલમાં જ એક યુઝરે આ વિચિત્ર વાનગી બનાવતા ઈન્સ્ટાગ્રામ પર એક વીડિયો શેર કર્યો છે.
વીડિયોની શરૂઆત એક દુકાનદાર સાથે થાય છે જે ગરમ ડોસાના તવા પર લીલું ખીરું પાથરે છે. પરંતુ આ સામાન્ય બેટર નથી, તેમાં પાન ઉમેરવામાં આવ્યું છે. ખીરું પાથર્યા પછી, તે ડોસા પર પાન બનાવવા માટે વપરાતી સામગ્રીઓ ઉમેરે છે, જેમ કે ડ્રાય ફ્રૂટ્સ, ટુટી ફ્રુટી, ચેરી, કિસમિસ, જરદાળુ, ખજૂર અને અંજીર. આ પછી,સોપારી નાખે છે. આ પછી, છીણેલું ચીઝ આખા ઢોસામાં નાખવામાં આવે છે. પછી ઢોસાને ચાર સરખા ભાગોમાં વહેંચવામાં આવે છે અને દરેક ભાગને પાનના આકારમાં ફોલ્ડ કરવામાં આવે છે.
વીડિયો પર લોકોએ આવી પ્રતિક્રિયાઓ આપી
તેને પ્લેટમાં મૂક્યા પછી, દરેક ફોલ્ડ કરેલા ડોસાની ઉપર થોડું વધુ છીણેલું ચીઝ ઉમેરવામાં આવે છે અને તેની સાથે પાનનું શરબત પણ આપવામાં આવે છે. વીડિયો સાથે શેર કરવામાં આવેલા કેપ્શનમાં લખ્યું છે, “પાન અને ડોસા? હવે આ મિશ્રણ શું છે? આ રાયપુરમાં ઉપલબ્ધ છે.” ઓનલાઈન પોસ્ટ કરવામાં આવી ત્યારથી આ વિચિત્ર વાનગી ઈન્ટરનેટ પર તોફાની બની ગઈ છે અને તેને 8.5 લાખથી વધુ વખત જોવામાં આવી છે. કોમેન્ટ સેક્શનમાં સોશિયલ મીડિયા યુઝર્સ તરફથી અલગ-અલગ પ્રતિક્રિયાઓ આવી રહી છે. એક યુઝરે પૂછ્યું, “શું તેઓ પોતે તેને ખાય છે અને જુએ છે કે તેઓએ શું તૈયાર કર્યું છે?”
