સુરત એરપોર્ટ પર એપ્રોચ લાઈટ્સને CAT-1 માં અપગ્રેડ કરવાનું સૂચન વી વર્ક ફોર વર્કિંગ એરપોર્ટ ગ્રુપ દ્વારા કરવામાં આવ્યું હતું. ગ્રુપના સભ્ય લીનેશ શાહે નિષ્ણાતોની સલાહ લઈને એરપોર્ટ ઓથોરિટી ઓફ ઇન્ડિયાને લેખીત રજૂઆત કર્યા બાદ નિર્ણય લેવાયો છે કે હવે CAT-1 એપ્રોચ લાઇટ બંને તરફ લાગશે.
સુરત એરપોર્ટ ખાતે AAI હેડક્વાર્ટર તરફથી એ જ બાબત માટે એક સૂચન મળ્યું છે કે રનવે 22 (વેસુ બાજુ) જ્યાં ઘણા અવરોધોને કારણે 2906 મીટરનો રનવે 615 મીટરથી ઘટાડીને 2291 મીટર કરવો પડ્યો હતો, આ કારણોસર B777 પ્રકાર અહીંથી મોટા વિમાનોના લેન્ડિંગની એક સમસ્યા હશે. એટલા માટે રનવે 04 (ડુમસ સાઈડ) પર પણ CAT-1 એપ્રોચ લાઈટો ફીટ કરવી જોઈએ જેથી કરીને ઈન્ટરનેશનલ ફ્લાઈટ્સના B777 પ્રકારના એરક્રાફ્ટના લેન્ડિંગ માટે ફ્લાઈટ્સ 04 બાજુથી સંપૂર્ણ 2906 મીટર રનવે પણ મળે અને સરળતાથી લેન્ડ પણ થઈ શકે અને ત્યાં એપ્રોચ્ લાઈટની પણ સમસ્યા નહિ રહે,
વી વર્ક ફોર વર્કિંગ એરપોર્ટ ગ્રૂપની ઝુંબેશને પગલે ટૂંક સમયમાં તેના પર કામ શરૂ કરવાની તૈયારીઓ ચાલી રહી છે. અગાઉ એક બાજુના અવરોધને કારણે કેટ 1 એપ્રોચ લાઇટ લગાવવાની વાત કરવામાં આવી હતી પરંતુ તેને બીજી બાજુ બદલવાની પણ દરખાસ્ત છે જેથી જ્યારે પણ 777 પ્રકારના એરક્રાફ્ટ જે વેસુ બાજુથી ઉતરે છે ત્યારે તેમને સંપૂર્ણ રનવે મળે અને લાઇટની સમસ્યા પણ નહીં રહેશે.